CIM GONDOMAR

CIM GONDOMAR

O Centro de Información á Muller do Concello de Gondomar confiou en magenta para deseñar e desenvolver unha campaña integral contra a violencia de xénero. Traballamos en catro eidos: a creación dun Punto de Igualdade en Vivo, o deseño e maquetación dun folleto publicitario do CIM, o deseño e maquetación do Plan de Igualdade e a elaboración dun calendario de sobremesa destacando 12 figuras de mulleres na historia de Gondomar.

Proxecto

O Punto de Igualdade en Vivo é unha carpa rosa que estará presente nos eventos de cultura, deportes e xuventude. Nesta carpa instalouse un photocall con frases para que os visitantes puidesen interactuar e facer fotos coas mensaxes. Complementamos o espazo con diversos soportes publicitarios en forma de pop up.

O folleto publicitario ten o obxectivo de informar dos servizos que ofrece o CIM Gondomar durante todo o ano, un pilar de apoio permanente para as mulleres que o precisen.

Para cumprir coa legalidade vixente en materia de igualdade, créase o Plan de igualdade de oportunidades de mulleres e homes. É a folla de ruta que guía a política municipal cara á consecución da igualdade real e efectiva de mulleres e homes.

Para gañar presenza durante todo o ano realizouse tamén un calendario de sobremesa que incluía a breve biografía de 12 mulleres destacadas na historia de Gondomar.