IBERCONSA
IBERCONSA
Iberconsa é un grupo pesqueiro galego con sede en Vigo, fundado en 1981, que se consolidou como un referente internacional na captura, transformación e comercialización de produtos do mar conxelados.
Na actualidade, conta con máis de 40 buques, plantas industriais en distintos continentes e presenza comercial en máis de 60 países. É líder mundial en produtos seafrozen de merluza salvaxe e gambón salvaxe arxentino, cun claro compromiso coa sostibilidade, a innovación e a calidade, acreditado por certificacións internacionais e polo seu destacado papel dentro da economía mariña galega.
Proxecto
O traballo de acompañamento gráfico dunha empresa das características de Iberconsa, cun amplo volume de marcas comerciais, presenza en feiras e desenvolvemento de produtos propios, require un diálogo aberto, continuo e coordinado cos departamentos de marketing e calidade.
Trátase dun proceso no que é imprescindible respectar múltiples directrices, cun alto nivel de esixencia e cunha execución rigorosa e exhaustiva en cada proxecto. Son eses proxectos que te retan como profesional e que manteñen viva a ilusión do traballo creativo.
Traballo realizado
Gráfica publicitaria
Vídeos de presentación
Gráficas para stands
Deseño de packaging
Retoque fotográfico
Mockups de produto
Fotomontaxe
Un stand que é unha declaración de liderado, capaz de transmitir a forza, a visión e a ambición da empresa.
