ALOIA EMPANADARÍA

aloia empanadaría

Aloia Empanadaría preséntase como un obrador familiar de comida tradicional para levar, que muda a súa localización dende o Monte Aloia ata Guillarei (Tui). A súa forma de traballar continúa a ser fundamentalmente artesanal, mantendo os procesos de sempre que lle dan identidade aos seus produtos e reforzan a confianza da clientela habitual.

O novo local aposta por unha decoración en madeira, cores cálidas e toques de verde, cunha intención clara: trasladar un anaco do monte ao interior do espazo. A carta estará centrada na cociña tradicional galega, onde a empanada seguirá sendo o produto estrela e o mellor embaixador do seu xeito de facer.

O deseño da nova identidade corporativa busca ser enxebre e evocador, conservando o vínculo emocional co entorno natural do que naceu.

Proxecto

A creatividade aposta por transmitir natureza, tradición e elaboración artesanal, valores fondamente ligados á cociña caseira que caracteriza ao proxecto. A preferencia por un símbolo refórzase como eixo principal da gráfica, permitindo condensar nunha marca sinxela e recoñecible todo o universo que define ao negocio: proximidade, autenticidade e o sabor de sempre.

O peso recae sobre un gran sombreiro de chef que presenta o identificador. Os trazos irregulares que se pisan falan da man que crea, facendo un paralelismo coa persoa que cociña, que depende da súa man para o resultado do produto.

É un grafismo moderno e actual, cunha tipografía orixinal, que introduce unha “M” como unha montaña na palabra “empanadaría” que nos lembra ao Monte Aloia.